Lagta Nahi Hai Dil Mera Ujrre Dayaar Mein,
Kis Ki Banii Hai Aalam E Na-Paayedaar Mein,
Keh Do In Hasraton Se Kahin Aur Ja Basien,
Itni Jagah Kahan Hai Dil-e-Daghdaar Mein,
Umar-e-Daraaz Maang Ke Laaye The Chaar Din,
Do Aarzuu Mein Katt Gaye Do Intezaar Mein,
Kaanton Ko Mat Nikaal Chaman Se O Baaghbaan,
Yeh Bhi Gulon Ke Saath Paleh Hain Bahaar Mein
Bulbul Se Koi Shikwa Na Sayaad Se Gila,
Qismat Mein Qaid Likhi Thi Fasl-e-Bahaar Mein,
Kitna Hai Badnaseeb “zafar” Daffan Ke Liye,
Do Gaz Zameen Bhi Na Mili Kuu-e-yaar Mein.
