Best Urdu Hindi Punjabi Shayari
Saturday, June 11, 2016
Sunday, December 6, 2015
Jina Bajo Chat Nai Si Lagda, Aj O Shaklan Yaad Na Rya.
Jina Bajo Chat Nai Si Lagda, Aj O Shaklan Yaad Na Rya.
Kitna Hai Badnaseeb “zafar” Daffan Ke Liye Do Gaz Zameen Bhi Na Mili Kuu-e-yaar Mein - ( urdu poerty, hindi shayari, punjabi shayari)
Lagta Nahi Hai Dil Mera Ujrre Dayaar Mein,
Kis Ki Banii Hai Aalam E Na-Paayedaar Mein,
Keh Do In Hasraton Se Kahin Aur Ja Basien,
Itni Jagah Kahan Hai Dil-e-Daghdaar Mein,
Umar-e-Daraaz Maang Ke Laaye The Chaar Din,
Do Aarzuu Mein Katt Gaye Do Intezaar Mein,
Kaanton Ko Mat Nikaal Chaman Se O Baaghbaan,
Yeh Bhi Gulon Ke Saath Paleh Hain Bahaar Mein
Bulbul Se Koi Shikwa Na Sayaad Se Gila,
Qismat Mein Qaid Likhi Thi Fasl-e-Bahaar Mein,
Kitna Hai Badnaseeb “zafar” Daffan Ke Liye,
Do Gaz Zameen Bhi Na Mili Kuu-e-yaar Mein.
Hijr Ke Mausam Main Yeh Barish Ka Barasna Kaisa - ( urdu poetry, hindi shayari, punjabi shayari )
Hijr Ke Mausam Main Yeh Barish Ka Barasna Kaisa,
Aik Sehraa Se Samundar Ka Guzarna Kaisa,
Aye Mere Dil Na Pareshan Ho Tanha Ho Kar,
Woh Tere Saath Chala Kab Tha, Bicharna Kaisa,
Log To Kehte Hain Gulshan Ki Taabahi Dekho,
Main To Veraan Sa Jungle Tha, Ujarna Kaisa,
Dekhne Main To Koi Dard Nahin Dukh Bhi Nahin,
Phir Yeh Aankhon Main Ashkon Ka Ubharna Kaisa,
Bewafa Kehne Ki Jurat Bhi Na Karna,
Us Ne Iqraar Kiya Kab Tha, To Mukharna Kaisa.
Dil Main Aur Kya Rakha Hai - ( urdu poetry, hindi shayari, punjabi shayari )
Dil Main Aur Kya Rakha Hai,
Tera Hi Dard Chupa Rakha Hai,
Itne Dukhon Ki Tez Hawaa Mein,
Dil Ka Deep Jalaa Rakha Hai,
Dhoop Se Chehron Ne Duniya Main,
Kya Andhair Machaa Rakha Hai,
Iss Nagri Ke Kuch Logon Ne,
Dukh Ka Naam Davaa Rakha Hai,
Vaada-e-yaar Ki Baat Na Chero,
Yeh Dhoka Bhi Khaa Rakha Hai,
Bhool Bhi Jao Beeti Baatien,
In Baaton Main Kya Rakha Hai,
Chup Chup Kyun Rehte Ho “Zahid”,
Yeh Kya Rog Lagaa Rakha Hai.
Thursday, December 3, 2015
Dukh Dard Ke Maaron Se Mera Zikar Na Karna ( Urdu Poetry, Hindi Shayari, Punjabi Shayari)
Dukh Dard Ke Maaron Se Mera Zikar Na Karna
Ghar Jaon To Yaaron Se Mera Zikar Na Karna
Woh Zabt Na Kar Paen Gey Ankhon Ke Samandar
Tum Rah-Guzaron Se Mera Zikar Na Karna
Phoolon Ke Nasheman Mein Raha Hoon Main Sada Se
Dekho Kabhi Kharon Se Mera Zikar Na Karna
Woh Mere Haal May Be-Sakta Na Ro Dain
Is Bar Baharon Se Mera Zikar Na Karna
Shayad Ye Andhera Hi Mujhe Rah Dikhay
Tum Chand Sitaron Se Mera Zikar Na Karna
Kahin Woh Meri Kahani Ko Ghalt Rang Na Dai Dain
Afsana Nigaroon Se Mera Zikar Na Karna
Gehrahi Mein Le Jayen Gey Tum Ko Bhi Baha Kar
Darya Kay Kinaron Say Mera Zikar Na Karna
Woh Shaks Miley To Usay Ha Baat Batana
Tum Sirf Isharon Say Mera Zikar Na Karna
Wednesday, December 2, 2015
Mujh sey Bichad Ke Khush Rehte Ho - (Urdu Poetry, Hindi Shayari, Punjabi Shayari)
Mujh sey Bichad Ke Khush Rehte Ho
Meri Tarah Tum Bhi Jhootey Ho
Ek Tehanee (ٹہنی) Par Chaand Tikaa Tha
Main Yeh Samajha Tum Baithe Ho
Ujaley Ujaley Phool Khiley The
Bilkul Jaise Tum Hanste Ho
Mujh Ko Shaam Bataa Deti Hai
Tum Kaise Kapade Pehaney Ho
Tum Tanaha Duniyaa Se Ladoge
Bachon Si Baatein Karate Ho.
Powered by Blogger.