Suna Hai Log Usay Aankh Bhar Kay Dekhtey Hain

Suna Hai Log Usay Aankh Bhar Kay Dekhtey Hain

So Us kay Shehar Mein Kuch Din Thehar Kay Dekhtey Hain

Suna Hai Rabt Hai Usko Kharab Haloon Say

So Apnay Ap Ko Barbad Kar Kay Dekhtey Hain

Suna Hai Dard Ki Gahak Hai Chashm-E-Naz Us Ki

So Hum Bhi Uski Gali Sey Guzar Ke Dekhtey Hain

Suna Hai Us Ko Bhi Hai Shair-o-shairy Say Shagaf

So Hum Bhi Mojzay Apne Hunar Ke Dekhtey Hain

Suna Hai Bolay To Baaton Say Phool Jhartey Hain

Yeh Bat Hai To Chalo Baat Kar Ke Dekhtey Hain

Suna Hai Raat Usay Chand Takta Rehta Hai

Sitare Bahm-E-Falak Se Utar Ke Dekhtey Hain

Suna Hai Din Ko Usay Titliyan Satati Hain

Suna Hai Raat Ko Jugnu Thehar Kay Dekhtey Hain

Suna Hai Us Kay Badan Ki Tarash Aisi Hai

Kay Phool Apni Qabahain Qatar Kay Dekhtey Hain

Suna Hai Us Kay Shbistan Say Mutassil Hai Bahisht

Makeen Udhar Kay Bhi Jalway Idhar Kay Dekhtey Hain

Suna Hai Rukay To Gardishain Us Ka Tawaf Karti Hain

Chalay To Us Ko Zamanay Tehar Kay Dekhtey Hain

Kisay Naseeb Kay Bay Perhan Usay Daikhay

Kabhi Kabhi Daro Dewaar Ghar Kay Dekhtey Hain

Kahanian Hi Sahi Sab Mubalgay Hi Sahi

Agar Woh Khuwab Hai Tabeer Kar Ke Dekhtey Hain

Ab Us Kay Shaher Main Tehrain Ke Kooj Kar Jain

Faraz Ao Sitare Safar Kay Dekhtey Hain