Chupke Chupke Raat Din Aansu Bahana Yaad Hai ( Urdu Punjabi Hindi Shayari)

Chupke Chupke Raat Din Aansuu Bahanaa Yaad Hai

Hum Ko Ab Tak Aashiqi Ka Wo Zamaana Yaad Hai

Tujhse Milte Hi Wo Kuch Bebaak Ho Jana Mera

Aur Tera Daanton Mein Wo Ungali Dabana Yaad Hai

Chori Chori Hum Se Tum Aa Kar Mile The Jis Jagah

Mudatein Guzarin Par Ab Tak Wo Thikana Yaad Hai

Kheench Lena Wo Mera Parde Ka Konaa Daffatan

Aur Dupatte Se Tera Wo Monh Chupaana Yaad Hai

Do-pahar Ki Dhoop Mein Mere Bulaane Ke Liye

Wo Tera Kothe Pe Nange Paon Aanaa Yaad Hai

Bahazaraan Iztiraab-o-sad-hazaaraan Ishtiyaaq

Tujhse Wo Pahale Pahal Dil Ka Lagana Yaad Hai

Jaan Kar Sotaa Tujhe Wo Qasa-e-paabosii Mera

Aur Tera Thukaraa Ke Sar Wo Muskuraanaa Yaad Hai

Tujh Ko Jab Tanhaa Kabhi Panaa To Az_raahe-lihaaz

Hal-e-dil Baatoon Hii Baatoon Mein Jataanaa Yaad Hai

Jab Sivaa Mere Tumhara Koi Deewaanaa Na Thaa

Sach Kaho Kyaa Tum Ko Bhii Wo Kaarkhanaa Yaad Hai

Gair Kii Nazaroon Se Bachakar Sab Kii Marzii Ke Khilaaf

Wo Teraa Chorii Chhipe Raatoon Ko Aanaa Yaad Hai

Aa Gaya Gar Vasl Kii Shab Bhii Kahiin Zikr-e-firaaq

Wo Teraa Ro Ro Ke Bhi Mujhko Rulaanaa Yaad Hai

Dekhanaa Mujhako Jo Bargashtaa To Sau Sau Naaz Se

Jab Manaa Lenaa To Phir Khud Ruuth Jaanaa Yaad Hai

Berukhii Ke Saath Sunaanaa Dard-e-dil Kii Dastaan

Aur Kaliye Mein Tera Wo Kangan Ghumaanaa Yaad Hai

Waqt-e-rukhsat Alvidaa Kaa Lafz Kahane Ke Liye

Wo Tere Sukhe Laboon Kaa Thar-tharaanaa Yaad Hai

Baawajood-e-iddaa-e-ittaqaa 'hasrat' Mujhe

Aaj Tak Ahad-e-havas Kaa Ye Fasaanaa Yaad Hai