Kaash Mein Tere Hasi'en Haath Ka Kangan Hota

kash mein tairay hase'en' haath ka kangan hota
tu badhe pyar se badhe chaao se badhe armaan ke sath
apni naazuk si kalayi mein chadhati mujh ko
aur betabi se furqat ke khizaan lamhoon mein
tu kisi soch mein doobi jo gumhatee mujh ko
mein tairay haath ki khushbu se mehak sa jata
jab kabhi mood mein aa kar mujhe chooma karti
tairay honton ke shiddat se mein dahak sa jata
raat ko jab bhi tu neendon ke safar par jati
marmari haath ka ik takiya banaya karati
mein tairay kaan se lag kar kayi baatein karta
teri zulfon ko tairay Gaal ko chooma karta
jab bhi to band quba khilanay lagti janan
apni aankhon ko tairay husn se Khaira karta
mujh ko be taab sa rakhta teri chahat ka nasha
mein teri rooh ke Gulshan mein mehakata rehta
mein tairay jism ke aangan mein rehta
kuch nahi to yahi be naam sa bandhan hota
kash mein tairay Hussain haath ka kangon hota .